बद्री-केदार गएका ४ सय नेपाली सम्पर्कविहीन

देवेन्द्र भट्टराई

नयाँदिल्ली, असार ५ –
भारतको उत्तराखण्डस्थित बद्रीनाथ-केदारनाथ तीर्थयात्रामा गएका चार सयभन्दा बढी नेपाली अविरल वषर्ा र निरन्तरको बाढीपहिरोका कारण बीचबाटोमै सम्पर्कविहीन बनेका छन् ।
हरिद्वारबाट ३ सय किलोमिटर दूरीेको केदारनाथ तथा बद्रीनाथ यात्रामा अक्षय तृतीया -वैशाख ३०) यता यात्रुहरू जानेक्रम बढेकामा सातायताको निरन्तरको वषर्ाले सबै प्रकारका यातायात, विद्युत् र सूचना सम्पर्क विच्छेद भएको छ । ‘भारतीय र नेपालीसहित अनुमानित ६० हजार यात्रु अहिले यो रुटमा तीर्थाटन गर्न गएका छन्,’ हरिद्वारका प्राचार्य पदमप्रसाद सुवेदीले कान्तिपुरसँग फोनमा भने, ‘यिनको बिचल्लीको स्थितिबारे भारत सरकारको ध्यानाकर्षण भएपछि मंगलबार हवाई उद्धारको काम थालिएको छ ।’
सुवेदीका अनुसार भारतीय सेनाका २२ र उत्तराखण्ड सरकारका १४ विमानले तीर्थयात्रुको बद्रीनाथ-केदारनाथबाट देहरादूनसम्म उद्धार गरिरहेका छन् । सात हजार तीर्थयात्रु देहरादून आइपुगेका छन्् । तिनमा दस जनाजति नेपाली छन् । उनका अनुसार झापा धुलाबारीका मोहिनीविलास लुइँटेलको नेतृत्वमा आएको ३६ जनाको टोली गंगोत्री जाने बाटो उत्तर काशीमा फसेको छ । उनीहरूले तीन दिनदेखि खान पाएका छैनन् ।
‘बद्रीनाथ-केदारनाथ गएका चार सयभन्दा बढी नेपाली सम्पर्कहीन छन्, फोन र अरू सूचना सम्पर्क नभएको अवस्था छ,’ उनले भने, ‘मैले गत बिहीबारसम्म सम्पर्क गरिराखेका नेपाली अहिले सम्पर्कहीन छन् ।’ यो अवस्थाबारे दिल्लीस्थित नेपाली दूतावासलाई पनि जानकारी गराइसकेको उनले बताए ।
दिल्लीस्थित दूतावासका कार्यवाहक राजदूत तीर्थराज वाग्लेका अनुसार तीर्थयात्रु अलपत्र परेको अवस्थामा नेपाली वा गैरनेपाली नभनी उद्धार गर्ने आश्वासन विदेश मन्त्रालयले दिइसकेको बताए । केही सहयोग गर्नुपरे दूतावास तत्पर रहेको उनले जनाए ।
‘उत्तराखण्डका यमुना र मन्दाकिनी नदीमा ठूलो बाढी आएको छ । रुद्रप्रयाग र केदारनाथका बीचका दुई पुल भत्केको खबर आएको छ । त्यहाँ केही तीर्थयात्रु बीच जंगलमा अड्किएको अवस्था छ,’ हरिद्वारमा ४० वर्षदेखि बसोबास गर्दै आएका गुल्मीका सुवेदीले भने, ‘हामी हरिद्वारमा रहेका सबै नेपाली समिति, सहयोगी निकायहरू उद्धार समन्वयका लागि तत्पर भएर बसेका छौं ।’
प्रकाशित मिति: २०७० असार ६ ०८:४६

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s